ՀԱՅՏԱՐԱՐՈւԹՅՈւՆ

«Երևանի հենակետային պետական բժշկական քոլեջ» ՊՈԱԿ-ը

դիմորդների համար հայտարարում է 2026-2027 ուսումնական տարվա

ԸՆԴՈւՆԵԼՈւԹՅՈւՆ

Միջնակարգ կրթությամբ դիմորդների համար՝ վճարովի հիմունքներով ուսուցման տեղերում: Հիմնական կրթությամբ դիմորդների համար՝ անվճար և վճարովի հիմունքներով ուսուցման տեղերում հետևյալ մասնագիտությունների գծով.

Քոլեջը ՀՀ միջին մասնագիտական բժշկական կրթությամբ կադրերի պատրաստման ամենաառաջին կրթօջախն է, որը հիմնադրվել է 1921թ. և որի բազայի վրա հետագայում ստեղծվել են տարբեր պետական բժշկական քոլեջներ: Քոլեջը հանրապետության բուժկանխարգելիչ հաստատությունների կողմից ճանաչված է որպես համապատասխան որակավորում ունեցող մասնագետների պատրաստման լավագույն դարբնոց:

Քոլեջի շրջանավարտները դիպլոմներ ստանալուց հետո կարող են անցնել աշխատանքի ինչպես հանրապետության, այնպես էլ արտասահմանյան բուժհաստատու¬թյուն¬ներում (քոլեջի ավարտական դիպլոմը ճանաչվում է ԱՄՆ-ի բոլոր նահանգներում, ԱՊՀ-ի բոլոր երկրներում, եվրոպական մի շարք երկրներում):

Քոլեջի գերազանց և բարձր առաջադիմությամբ շրջանավարտներն իրավունք ունեն ուսումը շարունակելու ՀՀ պետական բուհերի 2-րդ կուրսերում հեռակա ուսուցմամբ՝ քոլեջի և մի շարք բուհերի միջև կնքված պայմանագրերի համաձայն:

Քոլեջը իրականացնում է միջին մասնագիտական կրթական ծրագիր՝ լիցենզիա № 0025-ի համապատասխան և ունի պետական հավատարմագրման վկայական № 79:

Ուսանողի ուսումնառության գործընթացը կազմակերպվում է առկա ուսուցման ձևով՝ 1-ին տարում ք.Երևան, Կորյուն 10 հասցեում գտնվող քոլեջի ուսումնական մասնաշենքում, հետագայում նաև ՀՀ բուժպրոֆիլակտիկ հիմնարկներում, քոլեջի հետ պայմանագրային հարաբերությունների մեջ գտնվող այլ կազմակերպություններում, իսկ հետագա տարիների ընթացքում Բուռնազյան 143 հասցեում գտնվող մասնաշենքում:

Ընդունելությունը կատարվում է տվյալ մասնագիտության պետական կրթական չափորոշչով սահմանված մուտքային պահանջներով՝ առնվազն հիմնական կամ միջնակարգ կրթություն ունեցող անձի կամ նրա օրինական ներկայացուցչի դիմումով՝ համաձայն սահմանված ընթացակարգի:

Դիմորդը դիմում հայտը և փաստաթղթերը ներկայացնում է էլեկտրոնային եղանակով 2026 թվականի հուլիսի 10-ից մինչև հուլիսի 24-ը ժամը 18։00 ներառյալ: Դիմորդը՝ էլեկտրոնային եղանակով լրացնում է դիմում հայտը, որը իր մեջ ներառում է անձնական տվյալները (անուն ազգանուն հայրանուն, ծննդյան օր ամիս տարեթիվ, էլեկտրոնային հասցե, հեռախոսահամար) և Հանրային ծառայության համարանիշը կամ այն չունենալու վերաբերյալ տեղեկանքը: Դիմորդի հայտը պարունակում է ներքոհիշյալ տեղեկությունները, որոնք ներբեռնվում են ինքնաշխատ եղանակով, իսկ դրա բացակայության կամ անհնարինության դեպքում՝ դիմորդի կողմից.

1. լուսանկար,
2. հիմնական կամ միջնակարգ կրթության մասին փաստաթղթի պատճենը, իսկ արհեստագործական կամ միջին մասնագիտական կրթական ծրագրով որակավորված և միջնակարգ կրթության ավարտական փաստաթուղթ չունեցող դիմորդի դեպքում՝ հիմնական կրթության և արհեստագործական կամ միջին մասնագիտական կրթության մակարդակի ավարտական փաստաթղթի՝ դիպլոմի ներդիրը,
3. անձը հաստատող փաստաթուղթը՝ անձնագիրը, նույնականացման քարտը, զինվորական գրքույկը, կամ Հայաստանի Հանրապետության ներքին գործերի նախարարության մարմինների կողմից տրվող անձը հաստատող ժամանակավոր փաստաթուղթը, կացության վկայականը, փախստականի վկայականը, մինչև 16 տարեկան դիմորդի համար՝ նաև ծննդյան վկայականը,
4. Հանրապետական զորակոչային հանձնաժողովի կողմից տրված կցագրման վկայականի պատճենը,
5. ընդունելության կարգով սահմանված՝ ընդունելության արտոնության իրավունքը հաստատող փաստաթղթի պատճենը (առկայության դեպքում),
6. տեղեկանք վերջին 3 տարում սովորած և ավարտած ուսումնական հաստատության մասին,
7. տեղեկանք փաստացի բնակության վայրից:

Դիմորդի ցանկությամբ և առկայության դեպքում դիմորդը կարող է ներբեռնել նաև հետևյալ փաստաթղթերը.

1. աշխատանքի վայրից տեղեկանքի պատճենը,
2. իր նախընտրած մասնագիտության ոլորտում ձեռք բերած լրացուցիչ կրթական ծրագրի, այդ թվում՝ արտադպրոցական դաստիարակության համապատասխան վկայական, կամ հանրակրթական ծրագրերի շրջանակում կուտակած հետազոտական, նախագծային և այլ գործնական աշխատանքների փորձառության փաթեթ,
3. կամավորական աշխատանքի նախաձեռնության և/կամ մասնակցության վերաբերյալ տեղեկանք,
4. միջազգային և հանրապետական մրցույթների (օլիմպիադաների, փառատոների) դիպլոմների պատճենները,
5. ՀՀ պետական բարձրագույն ուսումնական հաստատություն ընդունվելու համար վերջին երկու տարվա ընթացքում հանձնած որևէ առարկայի ընդունելության քննության դրական գնահատականը:

Արտերկրի դիմորդները նաև պետք է ներկայացնեն կրթական աստիճանի վերաբերյալ ավարտական փաստաթղթի պատճենը (գնահատականներով)՝ թարգմանված և նոտարական վավերացմամբ, անձնագրի, ծննդյան վկայականի պատճենները՝ թարգմանությամբ և նոտարական վավերացմամբ, ինչպես նաև բժշկական տեղեկանք՝ ընդհանուր առողջական վիճակի մասին (սույն տեղեկանքը կարող է տրված լինել նաև Հայաստանի Հանրապետության բժշկական կազմակերպությունների կողմից):

Ընդունող հանձնաժողովը եռօրյա ժամկետում ուսումնասիրում, հաստատում կամ մերժում է դիմորդների ներկայացված հայտերը: Հաստատման դեպքում դիմորդը իր անձնական էջում տեսնում է այդ մասին հաղորդագրություն, չեղարկման դեպքում տեղեկանում է նաև չեղարկման պատճառի մասին: Դիմորդի հայտը հաստատելու և ընդունելու պահից մինչև հայտերի ընդունման վերջնաժամկետը դիմորդը ընդունող հանձնաժողով է ներկայացնում հայտում պարունակող փաստաթղթերի բնօրինակները: Սահմանված ժամկետում դրանք չներկայացնելու կամ անհամապատասխանության կամ կեղծիք հայտնաբերելու դեպքում ընդունող հանձնաժողովը չեղարկում է տվյալ դիմորդի հայտը:

Դիմորդի հայտում ներկայացված կեղծ փաստաթղթերի և տեղեկատվության համար դիմորդը ենթակա է օրենքով սահմանված կարգով պատասխանատվության:

Քոլեջում ընդունելության քննությունները անցկացվում են հուլիսի 25-ից օգոստոսի 8-ը ընկած ժամանակահատվածում: Դիմումատուի անհատական էջում ձևավորվում է քննության մասնակցության թերթիկը, որում նշվում է քննության օրվա, ժամի և քննության անցկացման վայրի մասին տեղեկատվությունը, որի թղթային տարբերակով և անձը հաստատող փաստաթղթով դիմորդը ներկայանում է քննության:

Քննությունների ժամանակացույցով նախատեսված օրն անհարգելի պատճառով քննությանը չներկայացած դիմորդին չի թույլատրվում մասնակցել հետագա քննություններին: Հարգելի պատճառով քննությանը չներկայացած դիմորդին, ընդունող հանձնաժողովի որոշումով, հնարավորություն է տրվում այն հանձնել, եթե տվյալ առարկայի քննությունը քոլեջում չի ավարտվել, իսկ մասնագիտության քննության արդյունքները չեն ամփոփվել։

Քննության չներկայանալու հարգելի պատճառը պետք է լինի օբյեկտիվ և անձի կամքից անկախ, փաստաթղթերով հիմնավորված և մինչև քննության ավարտը ներկայացվի համապատասխան ընդունող հանձնաժողովին։ Պատճառները կարող են հարգելի համարվել հետևյալ դեպքում․

1. հիվանդություն կամ առողջական խնդիր, որը հաստատված է բժշկական տեղեկանքով կամ անաշխատունակության թերթիկով.
2. մերձավոր ազգականի մահ կամ ծանր առողջական վիճակ.
3. անհաղթահարելի ուժի (ֆորս-մաժոր) հանգամանքներ, օրինակ՝ բնական աղետ, ճանապարհատրանսպորտային պատահար, արտակարգ իրավիճակ.
4. դատարանի, քննչական կամ այլ պետական մարմնի պաշտոնական կանչով ներկայանալու անհրաժեշտություն.
5. զինվորական ծառայության կամ զորահավաքային միջոցառումների հետ կապված պարտավորություններ.
6. ընտանեկան հանգամանքներ, որոնք ունեցել են անհետաձգելի բնույթ և անհնար են դարձրել դիմորդի մասնակցությունը քննությանը, մասնավորապես՝ հրդեհը, վթարը, բնական աղետը և դրա հետևանքով ստեղծված իրավիճակը, ընտանիքի անդամի անհետաձգելի խնամքի կամ ուղեկցման անհրաժեշտություն բժշկական հաստատություն, որոնք կարող են փաստաթղթերով հիմնավորվել։

Քոլեջում ընդունելությունն իրականացվում է «ԿԵՆՍԱԲԱՆՈՒԹՅՈՒՆ» առարկայից ընդունելության բանավոր քննության արդյունքների հիման վրա, ընդունելության կարգով սահմանված մրցութային հիմունքով: Ընդունելության քննությունները գնահատվում են 20 բալային համակարգով: Դրական են համարվում 8 և ավելի միավորները: 8 միավորից ցածր ստացած դիմորդը չի մասնակցում տվյալ մասնագիտության մրցույթին:

Մրցույթն անցկացվում է ըստ մասնագիտությունների հատկացված անվճար և վճարովի ուսուցման տեղերում: Անվճար տեղերում ընդունվում են մուտքային պահանջ հանդիսացող միավորների հաշվարկման արդյունքով (ներկայացված կրթական փաստաթղթի գնահատականների միջին թվաբանականի և տվյալ մասնագիտության համար մրցութային սահմանված առարկաների /քիմիա, հայոց լեզու/ միավորների և քննության գնահատականի ընդհանուր առավելագույն գումարը) առավել բարձր միավոր ունեցող դիմորդները՝ ըստ հատկացված անվճար տեղերի քանակի։ Վճարովի տեղերում ընդունվում են անվճար տեղերի մրցութային շեմից հետո միավորների առավելությամբ նվազող միավորներ ունեցող դիմորդները, բայց ոչ ավել քան տվյալ որակավորման լիցենզիայով հատկացված սահմանային տեղերի քանակն է։

Սահմանված հաշվարկման արդյունքներով հավասար միավորներ ունենալու դեպքում՝ ըստ սահմանված հերթականության կարող է ընդունվել.

1. գերազանց առաջադիմությամբ դիմորդը, և մուտքային պահանջ հանդիսացող միավորների հաշվարկման արդյունքով հաշվարկով ընդհանուր առավելագույն գումար ունեցող դիմորդը.
2. տվյալ մասնագիտությամբ առավել երկարատև մասնագիտական աշխատանքային ստաժ ունեցող դիմորդը.
3. իր նախընտրած մասնագիտության ոլորտում լրացուցիչ կրթական ծրագրի, այդ թվում՝ արտադպրոցական դաստիարակության համապատասխան վկայական ունեցող, կամ հանրակրթական ծրագրերի շրջանակում հետազոտական, նախագծային և այլ գործնական աշխատանքների փորձառության փաթեթ (պորտֆոլիո) կուտակած դիմորդը.
4. կամավորական աշխատանքի նախաձեռնություն և (կամ) մասնակցություն ունեցող դիմորդը.
5. միջազգային և հանրապետական մրցույթների (օլիմպիադաների, փառատոների) դիպլոմ կամ մրցանակ ստացած դիմորդը.
6. դպրոցականների հանրապետական առարկայական օլիմպիադաների առաջին կարգի դիպլոմ ստացած դիմորդը.
7. տվյալ մասնագիտության գծով բարձրագույն կամ մասնագիտական կրթություն ստացած դիմորդը։

Ընդունելության մրցույթի արդյունքները հրապարակվում են համապատասխան մասնագիտության մրցույթի արդյունքների ամփոփումից անմիջապես հետո:

Ընդունելության ընդհանուր մրցույթով պետական բյուջեի միջոցների հաշվին ուսումնառության կարող են ընդունվել «Առանց ծնողական խնամքի մնացած երեխաների սոցիալական պաշտպանության մասին» Հայաստանի Հանրապետության օրենքի 7-րդ և «Հաշմանդամություն ունեցող անձանց իրավունքների մասին» օրենքի 15-րդ հոդվածներին համապատասխան դիմորդները, իսկ ընդհանուր մրցույթից դուրս, առանձին մրցույթով՝ «Զինվորական ծառայության և զինծառայողի կարգավիճակի մասին» օրենքի 67-րդ հոդվածով և 72-րդ հոդվածի 4-րդ մասով սահմանված համապատասխան արտոնություններ ունեցող դիմորդները, եթե ապահովել են տվյալ ՄՈՒՀ-ի տվյալ մասնագիտության ընդունելության համար մրցութային անցողիկ նվազագույն շեմը, պահպանելով տվյալ մասնագիտության լիցենզիայով հատկացված սահմանային տեղը։

Քոլեջի միջին մասնագիտական կրթության վճարովի համակարգ ընդունված ուսանողի համար մեկ տարվա ուսման վարձը կազմում է 430․000 ՀՀ դրամ:

Հիմնական կրթություն ունեցող ուսանողների համար վճարովի համակարգ ընդունվելու դեպքում առաջին տարվա ուսման վարձը կազմում է 410․000 ՀՀ դրամ, իսկ ուսումնառության հաջորդ կուրսերում այն սահմանվում է իր կողմից ընտրած մասնագիտության համար՝ յուրաքանչյուր տարի 430.000 ՀՀ դրամ:

Քոլեջում գործում են ուսման վարձերի լրիվ և մասնակի զեղչեր, ինչպես նաև տրվում է անվանական կրթաթոշակ:

Քոլեջ ընդունված ուսանողի հետ կնքվում է համապատասխան պայմանագիր /կից ներկայացվում է/

Քոլեջում ուսանողական նպաստ հատկացվնելու, ուսման վարձը փոխհատուցելու, փոխատեղում իրականացնելու կարգը կանոնակարգվում է Հայաստանի Հանրապետության կառավարության 24.08.2023թ. թիվ 1449-Ն որոշմամբ:

Սույն հայտարարության կետերը համապատասխանում են ՀՀ կրթության, գիտության, մշակույթի և սպորտի նախարարի 2026 թվականի հունիսի 25-ի թիվ 29-Ն հրամանով հաստատված «Մասնագիտական ուսումնական հաստատու¬թյունների ընդունելության կարգ»-ին ու բխում են նրա պահանջներից:

Հասցե՝ ք. Երևան, Կորյունի 10

Հեռախոսներ` (012) 58 07 23, (012) 52 58 08